

D3297

། །། བྷ་ཡའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།། །།[་]@##། །རྒྱ་གར་སྐད་དུ། བཛྲ་བཱ་རཱ་ཧྲཱི་སཱངྷ་ནཾ། བོད་སྐད་དུ། བཅོམ་ལྡན་འདས་འཕགས་མ་རྡོ་རྗེ་ཕག་མོ་ལ་ཕྱག་འཚལ་ལོ། ། དེ་ནས་དེའི་ཕྱིར་ན་བཅོམ་ལྡན་འདས་མ་གསང་བའི་དབང་ཕྱུག་མ་ལྷ་དང་བཅས་པ་རྣམས་ཀྱི་མངའ་བདག་མ་ཆེན་མོ། ཤིན་ཏུ་ཆེ་བའི་གསང་ཆེན་མོ། །ལྷ་མོ་ཆེན་མོ་དབང་ཕྱུག་ཆེ། །འཇིག་རྟེན་གསུམ་པོ་འཇིགས་མཛད་ཅིང་། །འཇིག་རྟེན་གསུམ་འདི་སྐྱེད་པར་མཛད། ། གསང་བ་ཞེས་བྱའི་ཡུམ་འདི་ནི། །སྒྱུ་མ་ཆེན་མོ་ཞེས་རྣམ་གྲགས། །རིག་མ་འཇིག་རྟེན་གསུམ་སྐྲག་མ། །དབང་ཕྱུག་ཆེན་མོ་རབ་འཇིགས་མ། །རིག་པ་གང་ཞིག་ཤེས་ཙམ་གྱིས། །སྒྲུབ་པ་པོ་ཡི་དབང་ཕྱུག་གིས། །ལྷར་བཅས་དྲི་ཟའི་ཚོགས་རྣམས་དང་། །ལྷ་མིན་མི་དང གནོད་སྦྱིན་བཅས།།རིག་འཛིན་ཤ་ཟ་སྲིན་པོ་དང་། །ལྟོ་འཕྱེ་མི་འམ་ཅི་རྣམས་དང་། །འབྱུང་པོ་རྣམས་ཀྱང་དབང་དུ་བྱེད། །ཆུ་ལས་སྐྱེས་དང་ཐང་སྐྱེས་ཀྱི། །རིག་པས་ངོ་མཚར་ཆེར་བྱེད་ཡིན། །དེ་བཞིན་མིག་འཕྲུལ་བྱེད་པ་དང་། །རྨོངས་དང་རེངས་པ་ཉིད་དང་ནི། །རྣམ་པར་ དབྱེ་དང་བསྐྲད་སོགས་དང་།།དབང་དང་དགུག་དང་རྨོངས་བྱ་དང་། །ཡ་མཚན་རྣམ་པ་མང་པོ་རྣམས། །རིག་པ་བཀླགས་པ་ཙམ་གྱིས་བྱེད། །སྒྲུབ་པ་པོ་ཡིས་བཀླགས་བསྒྲུབ་ཀྱིས། །བཟླས་པ་དང་ནི་བསྲུང་སྡོམ་དང་། །དེ་ལ་སྨྱུང་གནས་མེད་པར་བརྗོད། །དཀའ་བ་མེད་པར་ འགྲུབ་འགྱུར་དང་།།ལྷ་མོ་ངས་ནི་བདེན་པར་སྨྲས། །འཇིག་རྟེན་གསུམ་ཀུན་སྒྲུབ་བྱེད་པའི། །སྒྱུ་མ་ཆེན་པོ་ཁྱོད་ཀྱི་སྔགས། །ལྷ་རྫས་ཡི་གེའི་ཕྲེང་བ་ཡིས། །རྣལ་འབྱོར་ཆེན་མོ་ངས་རབ་བཤད། །ོཾ་བཅོམ་ལྡན་འདས་མ་རྡོ་རྗེ་ཕག་མོ་ལ་ཕྱག་འཚལ་ལོ། །འཕགས་ མ་གཞན་གྱིས་མི་ཐུབ་མ་འཇིག་རྟེན་གསུམ་གྱི་རིག་པ་ཆེན་མོ།འབྱུང་པོ་ཐམས་ཅད་ཀྱི་འཇིགས་པ་སེལ་བར་མཛད་མ། རྡོ་རྗེ་ཆེན་མོ་རྡོ་རྗེའི་གདན་མ། མི་ཐུབ་མ་གཞན་རྨིས་མི་ཐུབ་མ། དབང་དུ་མཛད་མ་མིག་འཕྲུལ་བར་མཛད་མ། དུག་སྐེམ་པར་མཛད་མ། ཁྲོས་ མ་ཁྲོ་མོ་མཆེ་བ་གཙིགས་མ།ཀུན་དུ་སྐྲག་པར་མཛད་མ་གསོད་མཛད་མ། རབ་ཏུ་འཇིགས་མཛད་མ། གཞན་ལས་རྣམ་པར་རྒྱལ་མ། རྣམ་པར་རྒྱལ་མ། རྨུགས་པར་མཛོད་ཅིག་།རེངས་པར་མཛོད་ཅིག་།རྨོངས་པར་མཛོད་ཅིག་།རྡོ་རྗེ་ཕག་མོ་རྣལ་འབྱོར་མ་ཆེན་ མོ་འདོད་པའི་དབང་ཕྱུག་ཆེ།ཁ་གེ་འདི་ལྟ་སྟེ། པྲོ་ཏཾ་གེ་པྲཱ+ོ་ཏཾ་གེ་པྲཱ་ཎཱ་ན་ཀིན་ཀི་ཎི་ཁེ་ཁི་ཎི་དྷུ་ན་དྷུ་ན་རྡོ་རྗེའི་ཕྱག་གིས་བསྒོམས་ཤིང་། ཁ་ཊཱི་ག་དང་ཐོད་པ་བསྣམས་མ་ཆེན་མོ་གསོལ་བར་མཛད་པའི་ཤ་གསོལ་མ་མིའི་རྒྱུ་མ་ལེགས་པར་གོན་པ་ལ་བརྒྱུས་པའི་མིའི་མགོ་བོ་ཀུན་ནས་ཟུམ་པའི་ ཕྲེང་བ་དང་ལྡན་མ།སུམྦྷ་ནི་སུསྟེ་ཧ་ན་ཧ་ན་པཱ་ཎ་ན་སྡིག་པ་དང་སེམས་ཅན་རྣམས་ཐམས་ཅད་ཀྱི་དབང་ཕྱུག་རྣམས་ཐམས་ཅད་ཀྱི་ཤ་ཆོད་ཅིག་།ཁྲོས་པར་གྱུར་པའི་སྐུ་མཆེ་བ་རྣམ་པར་གཙིགས་མ། ཕྱག་རྒྱ་ཆེན་མོ་དཔལ་ཧེ་རུ་ཀའི་ལྷའི་བཙུན་མོ་དམ་པ་རྣམས་ཀྱི་མཆོག་དབུ་སྟོང་ཕྲག་ མ།ཕྱག་སྟོང་མ། ཞལ་སྟོང་ཕྲག་བརྒྱ་མངའ་མ་འབར་བའི་གཟི་བརྗིད་ཅན་ཞལ་འབར་མ་སྤྱན་སེར་མ། རྡོ་རྗེའི་གདན་མདའ་མ། མི་ལི་མི་ལི་ཏི་མི་ལི་ཏི་མི་ལི་ཧེ་ཏེ་ཧཱུཾ་ཧཱུཾ་ཁ་ཁ་དྷུ་དྷུ་དྷུ་རུ་དྷུ་རུ་སུ་རུ་མུ་རུ་གཉིས་སུ་མེད་པའི་རྣལ་འབྱོར་མ་ཆེན་མོ་བཀླགས་པས་གྲུབ་མ་དྲེ་དྷོ~ཾ་གྲཾ་གྲཾ་ཧེ་ཧ་ཧ་འཇིགས་ མཛད་མ་ཧ་ས་ཧ་ས་དཔའ་མོ་ཧ་ཧ་ཧོ་ཧོ་ཧཱུཾ་ཧཱུཾ།འཇིག་རྟེན་གསུམ་རྣམ་པར་འཇོམས་པར་མཛད་མ། དེ་བཞིན་གཤེགས་པ་བྱེ་བ་ཕྲག་འབུམ་གྱིས་ཡོངས་སུ་བསྐོར་མ་ཧཱུཾ་ཕཊ། སེང་གེའི་སྐུ་མ། ཁཿགླང་པོ་ཆེའི་སྐུ་མ། གཿའཇིག་རྟེན་གསུམ་གསུས་པར་ཆུད་མ། རྒྱ་མཚོ་ཆེན་མོ་ རྐེད་ཀར་སླེབས་མ།གྲ་ས་གྲ་ས་ཧཱུཾ་ཧཱུཾ་ཕཊ། དཔའ་མོ་དང་གཉིས་སུ་མེད་ན། ཧཱུཾ་ཧཱུཾ་ཧཱ་ཧཱ་ཕྱུག་ཆེན་པོ་རྣམས་རྨོངས་པར་མཛད་པའི་རྣལ་འབྱོར་མའི་དབང་ཕྱུག་མ་ཁྱོད། མཁའ་འགྲོ་མའི་འཇིག་རྟེན་མ་རྣམས་ཀྱིས་ཕྱག་བྱས་མ། འཕྲལ་ལ་ཡིད་ཆེས་པར་མཛད་མ་ཧཱུཾ་ཕཊ། འབྱུང་ པོ་རྣམས་སྐྲག་པར་མཛད་མ།དཔའ་མོ་ཆེན་མོ་མཆོག་ཏུ་གྲུབ་མ་རིག་པའི་དབང་ཕྱུག་མ་ཕཊ། ཧཱུཾ་ཧཱུཾ་ཕཊ་ཧཱུཾ་ཧཱུཾ་ཕཊ་སྭཱ་ཧཱ། བཅོམ་ལྡན་འདས་མ་སྒྱུ་མ་ཆེན་པོ་འདི་ནི་བཀླགས་པ་ཙམ་གྱིས་འགྲུབ་པ་ཡིན་ནོ། །འདི་སྒྲུབ་ཐབས་སུ་གྱུར་པ་ནི་ཟླ་བ་གཟས་ཟིན་པ་ན་ཡང་རུང་སྟེ། གཟས་གཟུང་བ་ལ་བལྟ་ཞིང་ལན་ཉི་ཤུ་རྩ་གཅིག་བཟླས་པར་བྱ་བའོ། །དེ་ལས་གྲུབ་པར་འགྱུར་རོ། །ཇི་སྲིད་དུ་བཟླས་པ་བྱེད་པ་དེ་སྲིད་དུ་བུད་མེད་སྟོང་རྗེས་སུ་འབྲང་བར་འགྱུར་རོ། །ལན་ཅིག་བརྗོད་པས་འགུགས་པར་བྱེད་དོ།།ཁྲོ་བོའི་སེམས་ཀྱིས་ནི་གསོད་པར་བྱེད་དོ། ། བསྐྲད་བྱ་དབྱེ་དང་རེངས་པར་བྱ་བ་ཡང་འདོད་པའི་དབང་གིས་བྱེད་པར་འགྱུར་བ་ཡིན། མེ་ཏོག་ལ་ལན་ཅིག་བསྔགས་ནས་ནམ་མཁའ་ལ་འཕངས་པས་ཚངས་པ་ལ་སོགས་པ་རྣམས་མཐོང་བར་འགྱུར་རོ། །དུར་ཁྲོད་ཀྱི་སོལ་བ་ལ་ལན་ཅིག་བསྔགས་ནས་ཁྱིམ་མམ་གྲོང ངམ།གྲོང་ཁྱེར་ལ་བཏབ་པ་ཚིག་པར་མཐོང་བར་འགྱུར་རོ། །རྨ་བྱའི་མཇུག་སྒོ་ལ་ལན་ཅིག་བསྔགས་ནས་ནམ་མཁའ་ལ་བྱུགས་པས་སླར་ཡང་ཉེ་བར་ཞི་བར་འགྱུར་རོ། །གྲམ་གསེག་ལ་ལན་ཅིག་བསྔགས་ནས་ཕྱོགས་བཞིར་བཏོར་བས་དཔུང་གི་ཚོགས་ཡན་ལག་བཞི་མཐོང་བར་ ་འགྱུར་རོ།